በሕዳሴው ግድብ ዙሪያ የውጭ ጣልቃ ገብነት እንደማያስፈልግ ግብፅ አስታወቀች

Views: 83

ግብፅ በታላቁ ሕዳሴ ግድብ እና ተያያዥ በሆኑ የናይል ተፋሰስ ጉዳይ ላይ ከኢትዮጵያ፣ ሱዳን እና ከግብፅ በሰተቀረ ሌላ የውጭ አካል ጣልቃ ገብነት እና የራሳቸውን ሀሳብ ማንፀበራቅ  እንደማያስፈልግ አስታወቀች። አያይዛም በሦስቱ ባለድርሻ አገራት ላይም ምንም አይነት ምክር ወይም ጫና ማሳደር እንደማይችሉ አስታውቃለች።

የግብፅ የውጭ ጉዳይ ሚኒስትር ሳሜህ ሽኩሪ ከፈረንሳዩ አቻቸው ጋር ጋዜጣዊ መግለጫ በሰጡበት ወቅት ታላቁን የሕዳሴ ግድብ በሚመለከት በቀጣይ በሱዳን ካርቱም የሚደረገው ውይይት ውጤታማ እንደሚሆንና ጠንካራ ውሳኔዎችም ይሰሙበታል ተብሎ እንደሚጠበቅም አስታውቀዋል። ሳሜህ አያይዘውም በግድቡ ዙሪያ መግባባት ላይ ያልተደሰባቸው ጉዳዮች በቴክኒካዊ ጉዳዮች እንጂ ምንም አይነት የፖለቲካ ጉዳይ ወይም የፖለቲካ አለመግባባት ተደርገው መቆጠር እንደሌለባቸውም  በግልፅ አስታውቀዋል።

ሚንስትሩ በቴክኒካዊ ጉዳዮች ላይ ግን አሁንም አደራዳሪዎችን እና አሸማጋዮችን መጋበዝ ፍላጎታቸው እነደሆነ የግብፅን አቋም አስታውቀዋል።

Comments: 0

Your email address will not be published. Required fields are marked with *

This site is protected by wp-copyrightpro.com