ኢትዮጵያ የኒውዚላንድ ባለሀብቶች በኢትዮጵያ መዋዕለ ንዋያቸውን እንዲያፈሱ ጥሪ አቀረበች

Views: 20

የኒውዚላንድ ባለሀብቶች በኢትዮጵያ በወተት ልማት እና ተዋጽኦ ዘርፍ ተሰማርተው መዋዕለ ንዋያቸውን እንዲያፈሱ የኢትዮጵያ መንግሥት ጥሪ አቅርቧል። የኢፌዲሪ የውጭ ጉዳይ ሚንስትር ዲኤታ ማርቆስ ተክሌ (ዶ/ር) በኒውዚላንድ አቻቸው የተመራውን ልዑካን ቡድን በጽሕፈት ቤታቸው ተቀብለው አነጋግረዋል።

በውይይታቸው ወቅት ኢትዮጵያ ከኒውዚላንድ ጋር በአየር ንብረት ለውጥ፣ በኢንቨስትመንት፣ በምጣኔ ሀብት እና ሴቶችን በማብቃት ጉዳዮች ላይ በጋራ ለመስራት ፅኑ ፍላጎት እንዳላት ሚኒስትር ዲኤታ ማርቆስ አስታውቀዋል። ማርቆስ አያይዘውም የኒውዚላንድ ባለሀብቶች በኢትዮጵያ በወተት ልማት ዙሪያ ቢሳተፉ ከአፍሪካ እና ከመካከለኛው ምስራቅ በኩል ካለው ከፍተኛ የገበያ ፍላጎት የተነሳ ተጠቃሚ ሊሆኑ እንደሚችሉም አስገንዝበዋል።

የነውዚላንድ ውጭ ጉዳይ ሚኒስትር ዲኤታ ፍሌቸር ቲባቱ እንደተናገሩትም ኢትዮጵያ በሰላም ግንባታ ዙሪያ እያደረገች ያለው ተግባር የሚደነቅ ነው ሲሉ ገልጸዋል። ጨምረውም ኢትዮጵያ ከአፍሪካ አገራት ቀዳሚዋ የኒውዚላንድ ምርጫ እንደሆነችም ጠቁመዋል። ኒውዚላንድ ለኢትዮጵያ በግብርና፣ በታዳሽ ኃይል፣ እንዲሁም በእውቀት ሽግግር ዘርፍ ድጋፍ እንደምታደርግም ቃል ገብተዋል። በመጨረሻም ኒውዚላንድ አዲስ የኢምባሲዋን ቅጥር  እንደምትከፍትም አስታውቀው በ2006 ጊዜያዊ ኢምባሲ በአዲስ አበባ መከፈቱንም አውስተዋል።

Comments: 0

Your email address will not be published. Required fields are marked with *

This site is protected by wp-copyrightpro.com